Vjena rikthen titullin si qyteti më i mirë për të jetuar në botë

June 23, 2022 user 1

Kryeqyteti austriak, Vjena, është rikthyer si qyteti më i mirë për të jetuar në botë, sipas një raporti vjetor nga Economist.

Vjena rrëmbeu vendin e parë nga qyteti i Zelandës së Re, Auckland, i cili ra në vendin e 34-të për shkak të kufizimeve të pandemisë së koronavirusit.

“Vjena, e cila ra në vendin e 12-të në renditjen tonë në fillim të vitit 2021 pasi muzetë dhe restorantet e saj u mbyllën, që atëherë është rikthyer në vendin e parë, pozicionin që mbajti më 2018 dhe 2019”, thuhet në raport.

Lexo më shumë Bllokohet nisma hungareze për avancimin e integrimit të Serbisë në BE

“Stabiliteti dhe infrastruktura e mirë janë bukuritë kryesore të qytetit për banorët e tij, të mbështetur nga një kujdes i mirë shëndetësor dhe shumë mundësi për kulturë dhe argëtim”.