Gjermania aprovon dërgimin e trupave ushtarake në Bosnjë

June 15, 2022June 15, 2022 user 1

Qeveria gjermane të mërkurën ka aprovuar dërgimin e 50 trupave për t’iu bashkuar misionit ushtarak të Bashkimit Evropian në Bosnjë, raportoi AP-ja.

Qëndrimi i trupave, që paraprakisht duhet të votohet nga parlamenti, do të zgjaste deri më 30 qershor të vitit 2023.

Zëdhënësi i Ministrisë së Mbrojtjes, David Helmbold, ka thënë se trupat do të dërgohen në Sarajevë dhe në dy ekipe mobile të vëzhgimit që do të vepronin si “sy dhe vesh” të misionit.

Lexo më shumë BE-ja paralajmëron Serbinë: Kushdo që vë në dyshim gjenocidin e Srebrenicës s’ka vend në Evropë

Kontributi i fundit i Gjermanisë me trupa për misionin, i njohur si Althea, ishte rreth një dekadë më parë.

BE-ja dhe SHBA-ja kanë shprehur shqetësime për ndarjen e mundshme të shtetit ballkanik nëse marrëveshja e paqes e arritur 27 vjet më parë do të prishej.

Udhëheqësi i serbëve të Bosnjës, Milorad Dodik, për vite ka nxitur ndarjen e pjesës serbe të Bosnjës dhe bashkimin me Serbinë fqinje.

Lexo më shumë Ukrainë: Mbi 7 mijë njerëz evakuohen nga rajoni i Kharkiv

Rruga Press