Koreografia kuqezi që “çmendi” një komb të tërë, në Serbi e quajnë të papranueshme: Skandal, u reklamua Shqipëria e Madhe

Shqipëria dështoi të fitonte mbrëmë ndaj Izraelit, duke zhgënjyer të gjithë me atë humbje 1-2 në shtëpi. Nëse skuadra e Kombëtares nuk bëri detyrën, nuk mund të thuhet e njëjta gjë për tifozërinë tonë, e cila mbrëmë ishte e përgatitur dhe qëndroi në mbështetje të djemve për 90 minuta me radhë. Në shkallët e tribunave dëgjohej muzikë patriotike, sakaq spektakli ishte i jashtëzakonshëm. 

Tifozët Kuq e Zi shpalosën një koreografi me mesazh të veçantë. Në një televizor shihej harta e Shqipërisë Etnike dhe në tekst shkruhej: “Shtetet e Bashkuara të Shqipërisë”. 

Mediat serbe i kanë dhënë jehonë të madhe kësaj koreografie, teksa kërkohet nga UEFA që mos të qëndrohet “duarkryq”, por të merren masa të menjëhershme. Për ta, ky është një reklamim i hapur i Shqipërisë së Madhe dhe të papranueshme u dukeshin edhe shfaqja e simboleve të UÇK-së.

Termi Shqipëri e Madhe është term i shpikur nga serbët për të treguar shqipërinë natyrale. Frika e serbëve mesa duket është se mos shqiptarët vendosin të bashkohen në territoret që i banojnë me shekuj dhe kështu ndërtojnë një ndër shtetet më të mëdha në Ballkan. I vetmi politikan shqiptar që përdor këtë term, pra serb, është Kryeministri i Shqipërisë Edi Rama. 

“SKANDAL NË TIRANË! Në tribuna u shfaq flamuri i Shqipërisë së Madhe dhe slogani i UÇK-së! turp!” – Shkruan Kurir.

Telegraf.rs thekson në titull: “Skandal në ndeshjen e Ligës së Kombeve: Shqiptarët shfaqin një pankartë me hartën e “Shqipërisë së Madhe” dhe një mesazh sipër saj”. 

Rruga Press