Scholzi dhe Zelenski “dakordohen të bëjnë gjithçka që munden” për të mundësuar eksportet e grurit
Kancelari gjerman Olaf Scholz dhe presidenti ukrainas Volodymyr Zelensky kanë rënë dakord “të bëjnë gjithçka” për të mundësuar eksportet e drithërave nga Ukraina, teksa shqetësimet rriten për një krizë globale ushqimore.
Gjatë një telefonate të mërkurën, Scholzi informoi liderin ukrainas për telefonatat e tij me presidentin rus Vladimir Putin dhe presidentin francez Emmanuel Macron më 28 maj, sipas një deklarate nga Kancelaria gjermane.
“Kancelari dhe presidenti ukrainas shkëmbyen gjithashtu pikëpamje mbi situatën aktuale ushtarake dhe humanitare në Ukrainë. Ata ranë dakord se duhet bërë gjithçka për të mundësuar eksportin e grurit nga Ukraina, veçanërisht nga deti,”.
Thirrja e liderëve vjen në kohën kur ministrat e jashtëm turk dhe rus u takuan në Ankara për të diskutuar çështjet lidhur me eksportet e grurit nga Ukraina.
Në një postim në Twitter të mërkurën, Zelensky tha se ai ngriti çështjen e “përputhshmërisë së Rusisë me rregullat ndërkombëtare të trajtimit të të burgosurve të luftës” me Scholzin. Ai theksoi gjithashtu rëndësinë e vendimeve për integrimin e Ukrainës në Bashkimin Evropian.
©Rruga Press