Vuçiq e fton “Prishtinën” si grup pune, por jo Kosovën si palë në Open Balkan

Presidenti i Serbisë, Aleksandar Vuçiq, në nisjen e samitit të “Ballkanit të Hapur” në Ohër, ka thënë se duhet që sa më shpejt të formohen grupet punuese të përbashkëta të shteteve të rajonit për të përgatitur rajonin për t’i tejkaluar vështirësitë me furnizim të ushqimit e të tejkalohet dimri.

Edhe pse Kosova ka refuzuar të marrë pjesë në këtë iniciativë, Vuçiq ka thënë se “janë të mirëseardhur të gjithë që duan të vijnë, edhe përfaqësuesit e Prishtinës”.

“Kjo është iniciativë e atyre që e kanë kuptuar se duhet të lidhen e vetë mund t’i zgjidhin problemet. S’kemi asnjë kërkesë ndaj askujt përveç se të jemi miq”, ka thënë Vuçiq.

Rruga Press