BE-ja do të vendosë embargo ndaj naftës ruse brenda disa ditësh

Ministri gjerman i Ekonomisë, Robert Habeck deklaroi se Bashkimi Europian është pranë arritjes së marrëveshjes, për të vendsur embargo ndaj importeve të naftës ruse.

Deklaratën, Habeck e dha mbrëmjen e së hënës për median gjermane ZDF.

“Ne do të arrijmë një përparim brenda disa ditëve,” tha Robert Habeck.

Por, ai shtoi se embargoja nuk do ta dëmtonte menjëherë Rusinë pasi rritja e çmimeve globale të naftës, ka bërë që Moska të fitojë më shumë për vëllime më të ulëta, shkruan BBC-ja.

Rreth 40% të gazit natyror, Bashkimi Europian e importon nga Rusia, teksa Moska përfiton 400 miliardë euro për këtë furnizim.

BE-ja ka njoftuar gjithashtu plane afatgjata për t’u zhvendosur në burimet e energjisë së rinovueshme për të mos u mbështetur plotësisht te nafta dhe gazi rus.

Rruga Press