Japonia dyfishon ndihmën e saj financiare për Ukrainën në 600 milionë dollarë

Japonia do të rrisë ndihmën e saj financiare për Ukrainën në 600 milionë dollarë, njoftoi të enjten kryeministri japonez Fumio Kishida, duke dyfishuar 300 milionë dollarët e mëparshëm të vendit si mbështetje financiare.

Kishida tha se vendimi u mor pasi Ukraina shprehu nevojën e saj për ndihmë për shkak të përkeqësimit të situatës financiare të shkaktuar nga pushtimi i Rusisë.

“Japonia do të vazhdojë të mbështesë fuqishëm Ukrainën në bashkëpunim me G7-ën dhe komunitetin ndërkombëtar,” u tha Kishida gazetarëve.

Masa vjen menjëherë pasi SHBA-ja dhe Bashkimi Evropian njoftuan për ndihmë të re për Ukrainën dhe përpara një vizite të presidentit amerikan Joe Biden në rajon, ku ai pritet të vizitojë Korenë e Jugut dhe Japoninë.

Kishida tha të enjten se do të diskutonte pozicionin e Japonisë mbi luftën gjatë bisedimeve të javës së ardhshme.

Rruga Press