‘Ju mbështesni Rusinë. Na prisni” Anonymous i “shpall luftë” Serbisë

Serbia vijon të ketë presione për shkak të qëndrimit të saj për të mos vendosur sanksione ndaj Federatës Ruse, gjë që e bën atë të vetmin vend në Evropë që nuk e ka bërë këtë.

Sipas mediave vendase, këtë herë, kërcënimi vjen nga grupi i njohur i hakerave Anonymous, ku në një video paralajmëron Serbinë për hakmarrje së bashku me kërcënime dhe ofendime të ashpra. Në video thuhet se autori ka një mesazh të rëndësishëm për Serbinë.

“Përshëndetje Serbi. Ju mbështesni në mënyrë aktive Rusinë në veprimet e saj të përgjakshme dhe terroriste kundër Ukrainës. Ju nuk doni t’ja dini për viktimat njerëzore dhe fëmijët e varfër ukrainas dhe kjo është arsyeja pse ju jeni objektivi ynë i radhës. Dua të të bëj një pyetje: jeni vërtet kaq budallenj apo jo? Por kjo nuk ka rëndësi për momentin, vetëm prisni hakmarrjen tonë për marrëzinë tuaj. Ne jemi Anonymous, nuk harrojmë dhe nuk falim. Na prisni.” –ka thënë autori i videos.

Pas samitit të liderëve të G7-ës në një deklaratë ata kritikuan ashpër Serbinë për mosvendosjen e sanksioneve ndaj Rusisë. Serbia është nën presion të vazhdueshëm për shkak të qëndrimit të tij për të mos vendosur sanksione ndaj Rusisë, gjë që e bën atë të vetmin vend në Evropë që nuk e ka bërë ende këtë. Pas kësaj, në Beograd dhe vende të tjera, një numër i madh i raportimeve për bomba të vendosura u shfaqën në shkollat ​​fillore dhe të mesme, si dhe në shumë vende të tjera. 

Presidenti Aleksandër Vuçiç në deklaratat e mëparshme ka thënë se Serbia do të rezistojë sa të mundet për të mos vendosur sanksione ndaj Rusisë duke e justifikuar me faktit se këtë e bën për të mbrojtur ekonominë e vendit.

Rruga Press