Shkencëtarët për herë të parë kanë rritur bimët në tokë hënore

Shkencëtarët  për herë të parë kanë rritur bimët në tokën e hënës, një hap i rëndësishëm për të bërë të mundur qëndrimin afatgjatë në Hënë.

Studiuesit përdorën mostra të vogla pluhuri të mbledhura gjatë misioneve Apollo 1969-1972 për të rritur një lloj kreshte kopshti.

“Nuk mund t’ju them se sa të habitur ishim,” tha Anna-Lisa Paul, një profesoreshë e Universitetit të Floridës, e cila ishte bashkëautore e një punimi mbi gjetjet.

Bimët e rritura në tokën e hënës filluan të shfaqin stres, u zhvilluan më ngadalë dhe përfunduan të rrëgjuara.

“Ky hulumtim është kritik për qëllimet afatgjata të eksplorimit njerëzor të NASA-s, pasi ne do të duhet të përdorim burimet e gjetura në Hënë dhe Mars për të zhvilluar burime ushqimore për astronautët e ardhshëm që jetojnë dhe veprojnë në hapësirë,” tha shefi i NASA-s, Bill Nelson.

Një sfidë për studiuesit është se thjesht nuk ka shumë tokë hënore për të eksperimentuar. Gjatë një periudhe trevjeçare nga viti 1969, astronautët e NASA-s sollën 382 kg shkëmbinj hënor, mostra bërthamore, guralecë, rërë dhe pluhur nga sipërfaqja hënore.

Ekipi i Universitetit të Floridës iu  dha studiuesve vetëm 1 g tokë për eksperimentin për bimët, nga mostrat, të cilat janë mbajtur të mbyllura për dekada të tëra./BBC/

Rruga Press