Sot i jepet lamtumira e fundit ikonës së boksit Xhevdet Peci

Të enjten (sot) do t’i jepet lamtumira e fundit ikonës së boksit kosovar Xhevdet Peci.

Fillimisht do të bëhen homazhe në “Pallatin e Rinisë dhe Sporteve” në Prishtinë duke filluar nga ora 9 deri në 12:00.

Ndërsa varrimi do të bëhet nga ora 16:30 në fshatin Zhazhë të Komunës së Mitrovicës.

Të premten nga ora 19:30 do të mbahet mbledhje përkujtimore për ish-boksierin e gjeneratës së artë të Prishtinës në Qendrën e Kulturës në Mitrovicë.

Peci vdiq të hënën në SHBA në moshën 67-vjeçare.

Rruga Press