Sekretari i Mbrojtjes akuzon Putinin se ai pasqyron fashizmin dhe tiraninë e 70 viteve më parë
Ben Wallace, Sekretar i Mbrojtjes në Britani, ka thënë se Vladimir Putin po ç’nderon ushtarët rusë që luftuan për të mposhtur nazistët.
Në një fjalim në Ditën e Fitores së Rusisë, sekretari i mbrojtjes tha se Putin dhe rrethi i tij i ngushtë po “pasqyronin fashizmin dhe tiraninë e 70 viteve më parë”.
“Në të vërtetë ajo që Presidenti Putin dëshiron është që populli rus dhe bota të jenë të frikësuar nga memoriali i vazhdueshëm i militarizmit”, tha ai.
“Unë besoj se lufta e vazhdueshëme dhe e paprovokuar në Ukrainë nuk bën gjë tjetër veçse ç’nderon të njëjtët ushtarë.”
“Shtabi i përgjithshëm i Rusisë po dështon dhe ata e dinë këtë”.
Ai shtoi se vendet perëndimore po mbledhin informacione mbi krimet e mundshme të luftës në Ukrainë, duke thënë se do të përdoren për “të mbajtur në llogari të gjithë ata që janë përgjegjës për këto mizori”.
“Ne po shikojmë dhe po regjistrojmë”, tha ai.
Rruga Press