Tani Korea e Veriut kërcënon me armë bërthamore
Lideri i Koresë së Veriut, Kim Jong Un, ka paralajmëruar se Veriu mund të përdorë armët e tij bërthamore nëse kërcënohet, raportoi të shtunën AP.
Kimi shprehu me vendosmëri “vullnetin” që të vijojë të zhvillojë ushtrinë e tij të armatosur me armë bërthamore në mënyrë që ajo të mund të “pengojë në mënyrë parandaluese dhe tërësisht të gjitha përpjekjet e rrezikshme dhe lëvizjet kërcënuese, duke përfshirë kërcënimet bërthamore gjithnjë në rritje nga forcat armiqësore, nëse është e nevojshme”, raportoi të shtunën Agjencia Qendrore e Lajmeve të Koresë së Veriut.
KCNA tha se Kimi i thirri zyrtarët e tij ushtarakë për të lavdëruar punën e tyre gjatë paradës të së hënës, ku Korea e Veriut shfaqi armët më të mëdha në arsenalin e saj bërthamor, duke përfshirë raketat balistike ndërkontinentale që potencialisht mund të arrijnë edhe në SHBA.
Duke folur para mijëra trupave dhe qytetarëve, Kimi u zotua të zhvillojë forcat e tij bërthamore në “shpejtësinë më të madhe të mundshme” dhe kërcënoi se do t’i përdorë ato nëse provokohet.
Rruga Press