Rusia planifikon ‘pushtim të përhershëm’ të Ukrainës

Një zyrtar i komandës ushtarake të Rusisë thotë se Moska planifikon pushtim të përhershëm të territorit të Ukrainës që është duke marrë në kontroll.

Komandantin rus, Rustam Minnekayev shprehet se Rusia tani synon të marrë në kontroll pesën perëndimore të Ukrainës dhe të formojë një kalim në vijë tokësore për në Krime, shkruan The Guardian.

Kjo deklaratë bie në kundërshtim me pretendimin e presidentit, Vladimir Putin, i cili ka thënë se Rusia nuk planifikon që të bëjë pushtim të përhershëm të qyteteve të Ukrainës.

Deklarata e bërë për mediat shtetërore ‘Interfax’ dhe ‘Tass’ është e para e një zyrtari të lartë që flet për qëllimet e ushtrisë ruse për të pushtuar territor.

Rusia ka aneksuar në 2014 Krimenë, lëvizje që nuk është njohur nga komuniteti ndërkombëtar.

Zyrtarë të mbrojtjes ruse kanë deklaruar për BBC se “po shikojnë” komentet e bëra nga gjenerali që nëse konfirmohet do të jetë e para për planin potencial të Rusisë.

Ndërkohë, një zyrtar i BE i ka thënë Reutersit se Rusia pritet të intensifikoi sulmet në lindje të Ukrainës si dhe në bregun jugor duke shtuar se dy javët e ardhshme mund të jenë vendimtare.

Presidenti i Ukrainës, Volodimir Zelenski ka paralajmëruar se pushtimi rus në vendin e tij ‘vetëm sapo ka nisur’.

Rruga Press