Zelanda e Re njofton sanksione shtesë ndaj institucioneve financiare ruse
Në foto: Ministrja e Jashtme e Zelandës së Re Nanaia Mahuta flet gjatë një sesioni të Këshillit të OKB-së për të Drejtat e Njeriut më 28 shkurt, në Gjenevë, Zvicër. (Fabrice Coffrini/AFP/Getty Images)
Zelanda e Re ka vendosur sanksione të reja kundër më shumë se një duzinë subjektesh financiare ruse, përfshirë bankën qendrore të vendit, njoftoi në një deklaratë të martën Ministrja e Jashtme Nanaia Mahuta.
Sanksionet synojnë 18 organizata financiare që supozohet se financojnë pushtimin e Rusisë në Ukrainë dhe që përbëjnë rreth 80% të totalit të aktiveve bankare të Rusisë, tha Mahuta në një deklaratë të lëshuar nga qeveria e Zelandës së Re.
“Këto sanksione janë krijuar për të imponuar një kosto ekonomike dhe politike,” tha Mahuta në deklaratë. “Me këtë raund të fundit sanksionesh, Zelanda e Re po i bashkohet vendeve në mbarë botën që kanë vendosur dënime të rënda ndaj Presidentit Putin dhe sistemit që financon pushtimin e tij të paligjshëm”.
18 organizatat e saposanksionuara janë: Alfa-Bank, Bank Rossiya, Bank Otkritie, Banka e Detit të Zi për Zhvillim dhe Rindërtim, Banka Qendrore e Federatës Ruse, Banka e Kreditit e Moskës, Gazprombank, GenBank, Banka e Kursimeve Industriale, Novikombank, Rusia Agriculture Banka, Banka Kombëtare Tregtare Ruse, Fondi i Investimeve Direkte Ruse, Sberbank, Sovcombank, SMP Bank, Vnesheconombank, VTB.
Gjatë muajit të kaluar, Zelanda e Re ka lëshuar një sërë sanksionesh kundër subjekteve dhe individëve rusë, duke përfshirë kundër presidentit rus Vladimir Putin, anëtarëve të këshillit të tij të sigurisë, politikanëve, oligarkëve dhe liderëve ushtarakë.
Rruga Press