Ministria e Mbrojtjes e Ukrainës: Rusia përfundoi rigrupimin e trupave për të nisur ofensivën në Ukrainën lindore

Forcat ruse kanë përfunduar rigrupimin e trupave për të nisur një ofensivë në Ukrainën lindore, tha të hënën një zëdhënës i ministrisë së mbrojtjes të Ukrainës.

“Forcimi i grupit sulmues po ndodh për shkak të transferimit të njësive shtesë ruse. Luftimet më intensive po zhvillohen në rajonet Slobozhansky dhe Donetsk”, citohet të ketë thënë koloneli Oleksandr Motuzyanyk gjatë një konference për shtyp, përcjell Telegrafi.

“(Rusia) po përgatitet për një ofensivë në Ukrainën lindore për të vendosur kontroll të plotë mbi territorin e rajoneve të Donetsk dhe Luhansk dhe për të siguruar stabilitetin” e korridorit tokësor me Krimenë, tha Motuzyanyk.

Ai shtoi se forcat ukrainase morën disa vendbanime nga forcat ruse rreth qytetit të Izium në rajonin e Kharkiv.

Zëdhënësi tha se qyteti i Izium dhe zonat përreth janë vendet me përqendrimin më të madh të njësive ruse.

“Nga ai vend ata do të përpiqen të zhvillojnë një ofensivë në lindje”, vazhdoi ai. 

Rruga Press