“Nuk ka më vende të sigurta.” Guvernatori kërkon evakuim në Luhansk

Kreu i Administratës Ushtarake Rajonale të Luhanskut të hënën u bëri thirrje civilëve që të evakuohen, duke thënë se “nuk ka mbetur asnjë vend i sigurt” në rajonin lindor të Ukrainës.

Evakuoni tani, ne ende mund t’ju shpëtojmë,” tha Serhii Haidai në Telegram.
Evakuimet do të kryheshin të hënën nga Popasna, Rubizhne, Hirske, Severodonetsk dhe Lysychansk, tha Haidai, edhe pse asnjë rrugë zyrtare evakuimi nuk ishte dakorduar me forcat ruse.

“Ne do të vazhdojmë me evakuimin pavarësisht çdo gjëje,” tha ai. “Ne do të marrim njerëz me vete nga vendet ku mund të arrijmë. Është tashmë shumë e vështirë të largohesh nga Rubizhne, Popasna, Hirske. Deri më sot, nuk ka mbetur asnjë vend i sigurt në rajon.”
Komentet e Haidait vijnë pasi përpjekjet për të rënë dakord për rrugë të sigurta evakuimi për civilët e bllokuar në luftimet në Ukrainën jugore dhe lindore të dielën dështuan, por zyrtarët lokalë u kërkuan njerëzve që të largoheshin nga zona megjithatë.

Ndërsa disa banorë të Luhanskut ishin ndjerë më parë relativisht të sigurt në disa rrethe të Lysychansk dhe Severodonetsk, situata ishte “përkeqësuar”, tha ai.

“Bombardimet ruse janë kudo. Evakuoni tani, ne ende mund t’ju shpëtojmë. Mos prisni derisa të mos ketë rrugë të sigurt për të dalë nga zona. Autobusët po ju presin më 18 prill. Mblidhni gjërat tuaja dhe ejani. Ukraina ka nevojë për ju të gjallë !”

Rruga Press