Shkarkohet dhe nuk dihet asgjë për fatin e komandantit rus që urdhëroi përdorimin e armëve kimike në Mariupol

Zyrja e Inteligjencës së Ministrisë së Mbrojtjes së Ukrainës njoftoi se është zhdukur komandanti i lartë rus, Eduard Basurin.

Sipas pretendimit të Drejtorisë kryesore të Inteligjencës së Ukrainës, Basurina ishte komandanti që urdhëroi shfrytëzimin e armëve kimike në Mariupol.

Ky është vetëm një vazhdim i represionit kundër komandantëve të ushtrisë ruse, të cilët “nuk justifikuan besimin e madh” të Rusisë dhe nuk arritën të zhvillonin planin origjinal për pushtimin e Ukrainës.

“Fati i mëtejshëm i ish-komandantit nuk dihet”, shkruan më tutje në njoftim e autoriteteve ukrainase.

Ky nuk është rasti i vetëm i “zgjidhjes së çështjes” të komandantëve që nuk kanë sjell rezultatet e kërkuar prej tyre.

Ndryshe, Basurina është zëvendëskomandanti i Korpusit të Mbrojtjes të ashtuquajturës Republikës Popullore të Donetskut

Rruga Press