Sulmet ruse kanë dëmtuar tubacionet e gazit në Luhansk
Autoritetet ukrainase thanë se bombardimet e kryera nga ushtria ruse gjatë natës kanë dëmtuar tubacionet e gazit në qytetet Severodonetsk dhe Lysychansk, në rajonin e Luhanskut.
Kreu i administrates rajonale të Luhanskut, Serhii Haidai deklaroi se nga këto bombardime humbi jetën një person dhe u plagosën tre të tjerë, shkruan CNN.
Haidai shtoi se bombardimet në Severodonetsk kishin dëmtuar gjithashtu sistemin e furnizimit me ujë dhe kishin shkatërruar dy depo ushqimore.
“Tubacioni qendror i gazit në Severodonetsk u dëmtua dhe po punohet për të riparuar furnizimin me ujë të pijshëm. Nuk ka ujë dhe gaz në qytet”, tha Haidai.
Pas lajmit për fundosjen e anijes “Moska”, Rusia u zotua të premten se do të shtojë sulmet e saj kundër Kievit në përgjigje të atyre që i quan sulme “terroriste” ukrainase.
Rruga Press