Rriten kërkesat për subvencione, për blegtorët situata paraqitet më e vështirë
Numri i fermerëve dhe blegtorëve që kanë aplikuar për subvencione nga shteti ka pësuar një rritje të konsiderueshëm këtë vit dhe ky trend vërehet edhe në qarkun e Vlorës, që është një ndër qarqet ku fermerët mbarështojnë më shumë bagëti të imëta.
Drejtuesi i veterinarisë dhe bimëve në qarkun e Vlorës konfirmon fluksin e aplikimeve për subvencione.
Por për blegtorët subvencionet pavarësisht se janë një ndihmë, sërish nuk arrijnë të mbulojnë shpenzimet që vijnë edhe si pasojë e çmimeve të larta për shkak të situatës që po kalon Europa në përgjithësi. Gjithashtu, blegtorët i dëmton shumë dhe mungesa e krahut të punës.
Një mbështetje më e madhe e shtetit për këta blegtorë që kanë lidhur jetën dhe punën e tyre me mbarështimin e bagëtive, do të ishte një hap pozitiv jo vetëm për ta, por edhe për cilësinë e produkteve që shkojnë te konsumatori.
Rruga Press