Zelensky: Në Ukrainë janë 938 institucione arsimore dhe pothuajse 300 spitale të shkatërruara (Video)
Presidenti ukrainas, Volodymyr Zelensky, i është drejtuar Parlamentit të Koresë së Jugut, ndërsa vazhdon thirrjen e tij për ndihmë ndërkombëtare.
Ai tha se forcat ruse kishin shkatërruar 938 institucione arsimore dhe pothuajse 300 spitale që nga fillimi i luftës në Ukrainë më 24 shkurt.
Zelensky tha gjithashtu se trupat e Kremlinit kishin shkatërruar zonat e banuara dhe qytetet me vetëdije me tanket dhe artilerinë e tyre.
“Tani kemi vetëm rrënoja në vend të qyteteve normale paqësore. Ne nuk mund të numërojmë as numrin e vdekjeve,” tha ai.
Udhëheqësi ukrainas tha se ekipet e urgjencës në veri të vendit po vazhdonin të pastronin rrënojat pas bombardimeve ruse, por një pjesë e rajonit ishte ende një “fushë beteje aktive”.
Ai vazhdoi duke thënë se pushtuesit rusë kishin dërguar “mijëra ushtarë” dhe “një numër kolosal pajisjesh” në vend në një përpjekje për të “përgatitur sulme të reja”.
Duke trajtuar situatën e rëndë në Mariupol, Zelensky tha se qyteti i rrethuar kishte mbetur i bllokuar që nga 1 marsi, me autokolona ushqimore që nuk po lejohen të hyjnë në qytet.
“Ata u përpoqën ta shkatërronin duke përdorur mënyrat më mizore. Ata u përpoqën të shkatërronin gjithçka që kishte qyteti. Mariupol është shkatërruar,” shtoi ai.
“Dhjetëra mijëra banorë kanë vdekur. Edhe përkundër kësaj, rusët nuk e kanë ndalur sulmin e tyre.”
Rruga Press