Trupat e fëmijëve të abuzuar dalin në Irpin. E mbijetuara: Më përdhunuan pranë nënës që po vdiste në agoni

A ka bërtitur dikush? Jo, sepse në të shumtën e rasteve ja kanë zënë gojët. Mund të imagjinojmë tmerrin dhe dhimbjen që kanë vuajtur fëmijët e Irpin. Disa janë identifikuar pasi të afërmit arrijnë t’i njohin kufomat e tyre. Të tjerët nuk kanë ende një emër dhe identifikohen sipas një moshe të përafërt. Tre vjet, 5 vjeç, ata të Irpin ishin të gjithë nën dhjetë vjeç, siç denoncoi dje Lyudmila Denisova, ministrja  ukrainase: “Fëmijët nën 10 vjeç janë vrarë. Ata tregojnë shenja përdhunimi dhe torture”.

Presidenti Zelensky foli për këtë edhe në Këshillin e OKB-së. Në fakt, ai ka treguar edhe një video.

Prandaj, askush nuk u shpëtua, në këtë masakër të përhapur që po zbulohet gradualisht, sikur të ishte hequr një vello e madhe funerali, poshtë së cilës  ka trupa të vërtetë, duar të lidhura, mavijosje në krahë dhe këmbë, shenja të dhunës seksuale dhe ato të dekompozimit sepse janë pothuajse të gjithë fëmijë dhe adoleshentë që kanë vdekur prej kohësh gjatë një muaji të pushtimit rus.

Nga Irpin, Dymerka, Mariupol, Bucha, dalin histori të reja dhune dhe çdo herë ka një detaj më të frikshëm e kështu me radhë. Deputetja Lesia Vasylenkoai foli publikisht për trupat e grave të shënuara me svastika (simboli i nazistëve), (kujtoni fjalët e Putinit, “Ukraina duhet të denazizohet”).

Dhe duke iu kthyer viktimave më të vogla, Vasylenko tha gjithashtu se shumë vullnetarë vazhdojnë të duan të dërgojnë ushqim për fëmijë në fshatrat e çliruara, “por kanë mbetur pak fëmijë”.

Ata fëmijët e bukur ukrainas, shumë biondë dhe me faqe të kuqe. Kur disa shtëpi dhe bodrume lirohen dhe pastrohen, ne mund të shohim trupa kaq të vegjël dhe tufa flokësh të ndyrë e biondë.

Një grua nga Irpin, Alina, ka rrëfyer tragjedinë e fqinjëve të saj, familjes B. “Të rriturit u pushkatuan nga rusët. Aty mbeti një fëmijë dhe motra e tij, të cilët u përdhunuan për një kohë të gjatë, pastaj u vranë. Trupat u gjetën dhe ju nënshtruan  autopsisë për të mbledhur gjurmët organike të përdhunuesve”.

Disa imazhe tronditëse vijnë nga Bucha, një vajzë e zhveshur, me duar të lidhura, me gojë të mbyllur me të njëjtën shirit të trashë. Emri nuk dihet, ajo ishte rreth 3 vjeç dhe trupi i saj mbulon atë të motrës e cila ishte 17 vjeç.

Pastaj shihen duart, këmbët, kokat e tjera të vendosura mbi njëra-tjetrën. Dhe në Vorzel, që është 10 kilometra larg Kievit, një vajzë 15-vjeçare u shpëtua, siç tha Konstantin Gudauskas , i cili e mori dhe e çoi në spital. Ai sapo kishte mbërritur në vend me vullnetarë të tjerë, të cilët më në fund kishin arritur në këto fshatra që sapo ishin braktisur nga rusët. Ai tregoi për ITV News: “Po shkarkoja një ngarkesë me ushqime dhe ilaçe, kur vajza hipi në makinë dhe më kërkoi ta ndihmoja. “Më shpëto”, tha ajo”.

Historia është kjo: Hynë në shtëpi dhe e plagosën për vdekje nënën e saj, rusët e çuan në një dhomë tjetër dhe e përdorën si skllave për 10 ditë. Shumë ushtarë, njëri pas tjetrit. Ndërkohë nëna po humbte gjak dhe u deshën dy ditë që të vdiste, kështu tha e bija. Në agoni, kjo grua ndoshta e kuptoi se çfarë po i bënin, pse vajza bërtiste dhe bërtiste, pa i ardhur keq askujt. Plus, një nga ushtarët filmoi përdhunimet me celularin e saj dhe dëgjoheshin shumë të qeshura.

Nga Brunella Giovara – La Repubblica

Rruga Press