Papa dënon mizoritë e reja duke mbajtur lart flamurin ukrainas

Papa ka dënuar “mizoritë e reja, si masakra e Buchas”, ndërsa mban lart një flamur ukrainas që vinte nga qyteti afër Kievit.

Ai puthi flamurin dhe mirëpriti fëmijët ukrainas deri në skenën e sallës së audiencës së Vatikanit në fund të audiencës së tij të përgjithshme.

Papa Françesku ka kritikuar disa herë pushtimin rus të Ukrainës dhe e ka dënuar në mënyrë implicite Vladimir Putinin, ndonëse kurrë nuk e përmendi atë me emër.

“Edhe një herë, disa të fuqishëm, fatkeqësisht të kapur nga pretendimet anakronike të interesave nacionaliste, po provokojnë dhe nxisin konflikte, ndërsa njerëzit e zakonshëm ndjejnë nevojën për të ndërtuar një të ardhme që ose do të ndahet ose nuk do të jetë fare,” tha ai në një fjalim të fundit.

Papa tha javën e kaluar se ai po konsideronte një udhëtim në Kiev, diçka që autoritetet lokale kanë kërkuar.

Zonat në rajonin e Kievit u çliruan kohët e fundit nga kontrolli rus, duke përfshirë Buchan.

Gjatë fundjavës, bota pa imazhe dhe pamje të kufomave të shpërndara nëpër rrugë, disa prej të cilave ishin të lidhura me duar dhe këmbë.

© Rruga Press