Kryeministri polak bën thirrje për një “komision ndërkombëtar” për të hetuar krimet e luftës në Ukrainë

Kryeministri polak Mateusz Morawiecki ka bërë thirrje për një “komision të pavarur” për të hetuar krimet ruse të luftës në Ukrainë, ndërsa liderët botërorë vazhdojnë të dënojnë mizoritë në Bucha.

“Ne propozojmë krijimin e një komisioni ndërkombëtar për të hetuar krimet në qytetet e Ukrainës,” tha Morawiecki në një konferencë shtypi në Varshavë të hënën.
Në këtë komision do të jenë mjekë, kriminalistë dhe specialistë, shtoi kryeministri.

“Bucha, Irpin, Hostomel dhe Motyzhyn janë vendet që do të kujtojmë. Rusët kryen krimin e gjenocidit. Duhet të dokumentohen dhe gjykohen siç duhet”, shtoi Morawiecki në një postim në Twitter të postuar të hënën.
Në fjalimin e tij, ai e quajti Rusinë një “shtet totalitaro-fashist” që duhet të ndalet nga NATO dhe BE.

Rruga Press