Borë dhe ngrica në Gjermani, kthehen temperaturat e dimrit

Dimri duket se është rikthyer në Gjermani në ditët e para të prillit pasi disa rajone në Gjermani janë goditur nga bora.

Të premten pasdite pati më shumë reshje dëbore në Gjermaninë qendrore dhe jugore. Në gjysmën veriore të vendit parashikohen temperatura të ulëta njëshifrore dhe stuhi ere.

Ndërsa në mëngjesin e sotëm rrugët kanë qenë të rrëshqitshme për shkak të borës dhe akullit. Një zëdhënës i Shërbimit Gjerman të Motit i tha DPA-sa se njerëzit në zonat më të ftohta duhet të vozisin me kujdes.

Sipas DWD, gjatë ditës mund të bjerë deri në 10 centimetra borë, veçanërisht në verilindje të Baden-Württemberg në lartësi më të mëdha.

Njerëzit në Saksoni, Saksoni-Anhalt dhe Turingi mund të presin gjithashtu ditë dimërore.

Dita e parë e fundjavës duket se do të sjellë edhe më shumë borë në jug, me deri në 10 centimetra reshje bore në lartësitë më të larta. Megjithatë, periudha e ftohtë ka të ngjarë të tërhiqet gjatë natës, duke sjell mot më pranveror gjatë rrjedhës së së dielës.

Rruga Press