Ministri i Brendshëm serb: Pas zgjedhjeve partitë properëndimore do nisin një “Mejdan” si në Ukrainë

Ministri i Brendshëm i Serbisë pretendon se pas zgjedhjeve të së dielës do të nisin trazirat nëpër rrugë në përpjekje për të përmbysur qeverinë e Vuçiçit njësoj si në 2014 në Ukrainë.

Partitë politike properëndimore mund të përpiqen të rrëzojnë qeverinë pas zgjedhjeve të 3 prillit, pretendon ministri i Brendshëm i Serbisë, Aleksandar Vulin.

Vulini ka deklaruar se partitë properëndimore të Serbisë do të përpiqen të organizojnë një Mejdan të ri, njësoj si trazirat e dhunshme të vitit 2014 në Ukrainë, përmes të cilave u rrëzua presidenti Viktor Janukoviç.

Vulin: Menjëherë pas zgjedhjeve, pres që partitë politike properëndimore, tashmë të inkurajuara financiarisht dhe politikisht, do të planifikojnë të sfidojnë rezultatet e zgjedhjeve, të cilat do të përfundojnë në një përpjekje për të përmbysur qeverinë. Analistët politikë perëndimorë kanë thënë se Serbisë i duhet një Maidan i ri.

Ministri i Brendshëm serb shtoi se Mejdani është një vend ku Ukraina humbi demokracinë e saj, pasi organizatat naziste përmbysën qeverinë e zgjedhur legjitime.

Vulin: Pavarësia jonë vlen, lufta jonë dhe nëse ajo do të sfidohet, ata do të përpiqen të përgatisin një Mejdan të ri për ne.

Vulin pretendon se konfliktet nëpër rrugët e Serbisë po përgatiten menjëherë pas zgjedhjeve, jo për shkak të tyre, por si pasojë e mos vendosjes së sanksioneve ndaj Rusisë për konfliktin në Ukrainë.

Rruga Press