Kalë në vend të makinës, fshati Rrëmenj në Pogradec pa asnjë investim

Fshatrat e Pogradecit vijojnë të lihen në harresë totale të institucioneve. Të njëjtin fat ka pasur edhe fshati Rrëmenj i cili vuan mungesën e rrugës dhe kanalizimeve ndërsa banorët thonë se institucionet nuk reagojë pavarësisht kërkesave të tyre.

Balta dhe gropat e mbushura me ujë në rrugën kryesore janë panorama në fshatin Rrëmenj.

I ndodhur vetëm 4 kilometra larg bashkisë së Pogradecit,banorët thonë se janë lënë tërësisht në harresë.

“Për shoferët, për këta që kanë makinë, për neve nuk është mirë, shumë keq rruga”.

“Me këmbë shkohet, atje rruga gropa nga katër anët”.

Kanalizimet e ujërave të zeza janë një tjetër problematikë e fshatit që nuk ka marrë asnjëherë zgjidhje.

“Tërë baltë, të gjitha të këqijat janë këtu”.

“Shteti për këto më shumë, rrugët, çmimet ti ulë, edhe bukën mezi e hamë”.

Ka edhe nga ata banorë që thonë që nuk blejnë automjete për shkak të rrugës, por përdorin kafshët.

“Përdorim kafshët, ne që kemi tokat larg nuk përdorim automjete”.

Bashkia e Pogradecit thotë se po punon për kanalizimet e fshatit, ndërsa pritet të hartohet një tjetër projekt për shtrimin e rrugës.

Rruga Press