Zyrtarëve ukrainas u shtohet optimizmi pas takimit me Bidenin

Ministri ukrainas i Mbrojtjes, Oleksii Reznikov, ka thënë se ndihet më optimist pas takimit që kanë zhvilluar të shtunën me sekretarin amerikan të Mbrojtjes, Lloyd Austin, presidentin Joe Biden, dhe sekretarin amerikan të shtetit, Antony Blinken, raporton CNN-i.

“Unë e vlerësoj me optimizëm takimin tim dhe Dmytro Kulebas me presidentin amerikan, sekretarin e Mbrojtjes, dhe sekretarin amerikan të Shtetit”, ka shkruar Reznikovi në një postim në Twitter.

Reznikovi ka thënë se ai dhe ministri i Jashtëm, Dmytro Kuleba, diskutuan me zyrtarët amerikanë nevojat urgjente të ushtrisë ukrainase.

Reznikovi dhe Kuleba u takuan me zyrtarët amerikanë në Varshavë të shtunën, ku Kuleba tha se SHBA-ja premtoi mbështetje shtesë të mbrojtjes për Ukrainën.

I assess my & @DmytroKuleba meeting with @POTUS,@SecDef,@SecBlinken with cautious optimism.Discussed urgent needs of #UAarmy.The President Biden said:”Ukraine has inspired the whole world”.Encouraging.We live in an era of Ukrainocentrism,but in mutual struggle with a common enemy

— Oleksii Reznikov (@oleksiireznikov) March 26, 2022

Rruga Press