Koreja e Veriut teston një raketë të re me rreze të gjatë veprimi
Media shtetërore e Koresë së Veriut ka bërë të ditur të premten se udhëheqësi Kim Jong Un ka drejtuar lëshimin e armës, të njohur si Hwasong-17, më e avancuara deri më sot.
Derisa liderët perëndimorë u mblodhën në Bruksel të enjten për samitet e sigurisë, Koreja e Veriut lëshoi atë që tha se ishte një lloj i ri rakete balistike ndërkontinentale (ICBM) – testi i saj i parë me rreze të gjatë në më shumë se katër vjet.
Sipas analistëve, valët e fundit të testeve të raketave të Koresë së Veriut sugjerojnë se lideri i vendit, Kim Jong Un, po përpiqet t’i tregojë një bote gjithnjë e më të trazuar se Pheniani mbetet një lojtar në luftën për pushtet dhe ndikim.
“Koreja e Veriut refuzon të injorohet dhe mund të përpiqet të përfitojë nga preokupimi global me luftën në Ukrainë për të detyruar një fakt të kryer mbi statusin e saj si një shtet me armë bërthamore”, ka thënë për CNN Leif-Eric Easley, profesor i asociuar i studimeve ndërkombëtare në Ewha Womans.
“Koreja e Veriut nuk është afër fillimit të agresionit në shkallën e pushtimit rus të Ukrainës. Por ambiciet e Phenianit gjithashtu tejkalojnë vetëmbrojtje pasi dëshiron të përmbysë rendin e sigurisë së pasluftës në Azi”, ka shtuar ai.
Rruga Press