Përplaset me trafikndarsen, makina shpërthen në flakë pranë mbikalimit të Laçit

Një automjet është përfshirë nga flakët pranë mbikalimit të Laçit. Dyshohet se ka të lënduar.

Burime për Ora News bëjnë me dije se automjeti është përplasur me trafikndarësen dhe për pasojë ka shpërthyer.

Në automjet kanë qenë dy persona të cilët kanë marrë lëndime. Drejtuesi i mjetit Enver Lika është dërguar në Spitalin e Traumës ndërsa pasagjeri në spitalin rajonal të Lezhës.

Mësohet se zjarrfikësit ndodhen në vendin e ngjarjes ndërsa ende nuk dihen rrethanat.