Flamuri ukrainas ngrihet në qytetin e pushtuar nga Rusia

Kryetari i qytetit të Khersonit, i cili është pushtuar nga Rusia, Ihor Kolykhaiev, në Ukrainën jugore, ka postuar fotografi të një flamuri të gjatë ukrainas të mbështjellë në murin e bashkisë së qytetit.

Forcat ruse zakonisht ndodhen në bashkinë e qytetit, por nuk duket se kanë ndërhyrë.

Ka pasur disa protesta nga civilët ukrainas në sheshin ku ndodhet ndërtesa që kur forcat ruse u zhvendosën në Kherson.

Fotografitë tregojnë punëtorët në një vinç duke montuar flamurin e ri.

“Në natën kur u bomardua këshilli i qytetit, teli që mbante flamurin tonë kombëtar u dëmtua. Dhe vetë flamuri duhej të ishte zëvendësuar shumë kohë më parë, ishte zbehur dhe gërryer,” tha Kolykhaiev në një postim në Facebook.

“Sot gjetëm një mënyrë për ta zëvendësuar atë. Paçi një ditë të mbarë, qyteti im Hero,” shtoi Kolykhaiev.

Kherson, një qytet port kyç në Detin e Zi, në Ukrainën jugore, u pushtua nga forcat ruse më 2 mars, pas ditësh bombardimesh të rënda.

Njerëzit që jetojnë në Kherson kanë përshkruar ditë terrori të kufizuar në apartamentet dhe shtëpitë e tyre, të frikësuar për të dalë jashtë edhe për nevojat themelore, qyteti i tyre tani është një guaskë distopike e shtëpisë që ata njihnin dhe donin.

© Rruga Press