Anonymous hakon Bankën Ruse: Do të publikojmë mijëra dosje sekrete

Kolektivi ndërkombëtar i hakerëve Anonymous pretendon se ka hakuar Bankën Qendrore të Federatës Ruse. Anonymous shkroi se ka hakuar Bankën Qendrore të Rusisë dhe se do të publikojë mbi 35,000 skedarë brenda 48 orëve të ardhshme me disa dokumente të marrëveshjeve sekrete.

“Më shumë se 35,000 dosje me marrëveshje sekrete do të publikohen brenda 48 orëve”, shkruan aktivistët në Twitter. Ditët e fundit, Anonymous ka hequr nga linja faqet e internetit të disa kompanive që vazhdojnë të operojnë në Rusi, përfshirë Nestlé e cila nën presion ka vendosur të reduktojë aktivitetet e saj në Moskë.

Rruga Press