Jeta nëntokësore e ukrainasve pranë vijës së frontit të luftës në Mykolaiv

Më pak se 2 kilometra larg vijës së frontit pranë Mykolaiv, Inna Kuriy dhe fqinjët e saj tani fshihen në një bodrum gjatë gjithë ditës.

“Ne qëndrojmë këtu, sepse jemi në shtëpi” – thotë ajo.

Zona e tyre e banimit dikur e gjallë me rreth 12,000 banorë është kthyer në një qytet fantazmë; vetëm zhurma e bombardimeve e prish qetësinë në rrugë.

Një ish-kolonel në ushtrinë sovjetike, Alexander Zadera dikur ka luftuar së bashku me ushtarët rusë.

Teksa qëndron në banesën e shkatërruar të nënës së tij, ai thotë se nuk e kupton situatën.

“Nuk më ka shkuar kurrë në mendje që mund të luftojmë kundër njëri-tjetrit! Absurde!”

Inna Kuriy, mësuese, shprehet se nuk shkon më larg se sa shtëpia e saj pasi situata është e frikshme.

“Në një gjendje të tillë, përpiqem të mos shkoj më larg se shtëpia ime, sepse është shumë e frikshme. Por këtu ne të gjithë luftojmë për fitoren tonë, ne mbështesim ushtarët tanë. I lutemi Zotit për ndihmë, për shpëtimin e djemve tanë.”

Ajon shton se mblidhet me familjen e saj dhe njerëz të tjerë duke bërë përgatitjet e ndryshe shtëpiake.

Rruga Press