Qeveria e Ukrainës: Laboratori për monitorimin e rrezatimit të Çernobilit është shkatërruar nga Rusia

Forcat ruse kanë plaçkitur dhe shkatërruar një laborator afër termocentralit të braktisur bërthamor të Çernobilit që përdorej për të monitoruar mbetjet radioaktive, sipas qeverisë së Ukrainës.

Vendi i fatkeqësisë më të keqe bërthamore në botë ra në duart e rusëve në javën e parë të pushtimit të Rusisë, duke shkaktuar frikën se standardet e sigurisë brenda zonës së përjashtimit mund të komprometoheshin.

Sipas një agjencie qeveritare ukrainase, laboratori ishte pjesë e një përpjekjeje të financuar nga Bashkimi Evropian për të përmirësuar menaxhimin e mbetjeve radioaktive përmes analizës në vend të mostrave dhe të mbetjeve, si dhe paketimit të përdorur për asgjësimin e mbetjeve.

Agjencia qeveritare gjithashtu raportoi se mostrat e radionuklideve, atome të paqëndrueshme që mund të lëshojnë nivele të larta rrezatimi, ishin hequr nga laboratori. Ai tha se shpresonte se Rusia do t’i përdorte mostrat për të “dëmtuar veten dhe jo botën e qytetëruar”.

Më shumë histori mbi Çernobilin: Stafi që punonte atje, ditën kur u pushtua nga forcat ruse në fund të muajit shkurt, tani patën mundësinë të ktheheshin në shtëpitë e tyre.

Kryetari lokal i Slavutych Yuriy Fomichev foli për CNN pasi punëtorët ishin mbyllur në fabrikë për 10 ditë, duke i përshkruar ata si “të rraskapitur, mendërisht dhe emocionalisht, por kryesisht fizikisht”.
Fomichev tha se më shumë se 100 persona ishin personel me turne, të cilët duhej të ishin liruar pas 12 orësh.

Në fillim të këtij muaji, kantieri u detyrua të merrte energji nga gjeneratorët e emergjencës me naftë për disa ditë, përpara se të rilidhej në rrjetin kombëtar të energjisë elektrike pas riparimeve në linjat e dëmtuara.

Të martën, qeveria e Ukrainës paralajmëroi gjithashtu për disa zjarre pranë uzinës, për të cilat tha se ndoshta ishin shkaktuar nga artileria ose zjarrvënia ruse.

© Rruga Press