Mbeten të vrarë dy fëmijë nga bombardimi i disa ndërtesave në Ukrainë
Tre persona, dy prej tyre fëmijë, janë vrarë në një sulm në një bllok banesash në qytetin lindor të Rubizhnes, ka thënë kreu i autoritetit ushtarak të Luhanskut, raporton BBC.
“Tragjedia ndodhi në mbrëmje, kur ushtria ruse intensifikoi bombardimet. Një predhë shpërtheu në katin e pestë”, tha Serhiy Haidai, duke shtuar se zjarri shpërtheu në një biznes dhe një institucion arsimor.
Rajoni i Luhanskut është një nga objektivat kryesore të ushtrisë ruse, pasi ajo përpiqet të pushtojë zonat lindore që nuk u kapën nga separatistët e mbështetur nga Rusia në luftën që filloi në vitin 2014.
Në fundjavë Haidai tha se më shumë se 60 civilë ishin vrarë në rajon që nga fillimi i pushtimit më 24 shkurt.
Një nga qytetet më të goditura është Severodontesku dhe kreu i ushtrisë rajonale tha se ishte rënë dakord për një korridor evakuimi si për atë qytet ashtu edhe për Rubizhne, por ai paralajmëroi njerëzit që përpiqeshin të largoheshin nga rreziku i bombardimeve të mëtejshme.
Rruga Press