Video/ Aktivistët gjuajnë me bojë selinë e TotalEnergies në Francë për lidhjet që mban me Rusinë
Aktivistët e mjedisit kanë gjuajtur me bojë selinë e kompanisë së naftës dhe gazit të TotalEnergies në perëndim të Parisit për shkak të lidhjeve të saj me Rusinë.
Pamjet nga vendi i ngjarjes treguan bojë të zezë në dyert e xhamit në hyrje të ndërtesës në distriktin e biznesit La Defense, ndërsa një grup demonstruesish, të udhëhequr nga grupi francez “Les amis de la terre” (Miqtë e Tokës), këndonin jashtë me shenja në duart e tyre.
Muajin e kaluar TotalEnergies dënoi atë që e quajti agresionin ushtarak të Moskës në Ukrainë, por nuk iu bashkua kompanive, duke përfshirë BP, Shell dhe Exxon Mobil, për të shpallur një dalje nga interesat e saj në Rusi.
Tani po rritet presioni mbi kompaninë, e cila është një nga prodhuesit kryesorë të naftës në botë, për të ndërprerë lidhjet e saj me Rusinë.
Pasi ndau pamjet e grupit sot, kandidati i partisë së gjelbër për president në Francë, Yannick Jadot, shkroi në Twitter: “Po, TotalEnergies duhet të largohet nga Rusia dhe të ndalojë financimin e luftës së Putinit.”
“Bashkëfajësia juaj kushton jetë.”
© Rruga Press