Lufta në Ukrainë, OKB: 847 civilë të vrarë, mbi 1300 të plagosur

Organizata e Kombeve të Bashkuara njofton se nga lufta në Ukrainë deri më tani kanë humbur jetën 847 civilë.

Numri është rritur me 31 viktima krahasuar me një ditë më parë.

Zyra e Komisionerit të Lartë për të Drejtat e Njeriut (OHCHR) pranë OKB-së tha se janë plagosur 1,399 civilë, duke përfshirë 78 fëmijë, të cilët kanë pësuar kryesisht nga bombardimet dhe sulmet ajrore.

Numri aktual besohet të jetë shumë më i lartë, shton OHCHR.

“Shumica e viktimave civile të regjistruara u shkaktuan nga përdorimi i armëve shpërthyese me një zonë të gjerë ndikimi, duke përfshirë bombardimet nga artileria e rëndë, sistemet e raketave me shumë lëshime, sulmet me raketa dhe ato ajrore,” tha OHCHR.

Rruga Press