Ish-komandanti i NATO-s: Morali i trupave ruse është në zgrip. Kujdes nga sulmet bërthamore

Lufta në Ukrainë “po shkon absolutisht në favor të Ukrainës”, por Evropa duhet të tregojë kujdes kundër sulmeve bërthamore, ka paralajmëruar një ish-komandant i NATO-s.

Ish-Zëvendës Komandanti Suprem i Aleatëve të NATO-s, gjenerali Sir Richard Shirreff, tha për Sky News se forcat ruse kanë treguar “paaftësi të jashtëzakonshme dhe mungesë profesionalizmi”, duke shtuar: “Amatorët flasin për taktikat dhe profesionistët flasin për logjistikën”.

Morali në mesin e trupave ruse është “absolutisht në zgrip”, tha ai.

“Ata mendonin se do priteshin nga turma që valëvitnin flamurin dhe ata janë pritur nga mbrojtja e egër”.

Ai vazhdoi: “Putini nuk mund ta pranojë humbjen dhe për këtë arsye në stilin tipik të KGB-së nëse ai përballet me telashe në një drejtim, ai mund të shkaktojë telashe edhe më të mëdha në një tjetër.

“Ne duhet të jemi vigjilentë ndaj sulmeve kimike, potencialisht ndaj përdorimit të armëve bërthamore taktike.”

Ai shtoi se “nuk mund të marrim asgjë si të mirëqenë” dhe një rritje e forcave do të çonte në një “luftë të përgjithshme që lehtë mund të shkojë në luftë bërthamore”.

Rruga Press