Nga BRSS në SHBA, udhëtimi i Vitali Klitschkos dhe rrëfimi në dokumentarin e tij para disa vitesh

Vitali Klitschko është sot një nga simbolet e rezistencës ukrainase. Si kryebashkiak i Kievit , i ka mbetur në dorë të përballet nga mbrojtjen e kryeqytetit, pozitë të cilën e pranoi në vitin 2014.

Në atë vit u shkarkua presidenti Viktor Janukovych, pasi refuzoi të ishte pjesë e BE-së, për shkak se ishte i lidhur ngushtë me Vladimir Putinin.

Vitali është një nga ata që e pa luftën me Rusinë që po vinte, sepse ai e kuptonte mirë Vladimir Putinin, në të njëjtën mënyrë që kuptoi një njeri si Don King (promotor në boks), ditën që e ftoi atë dhe vëllain e tij në pallatin e tij, pas LO të Atlantas, për t’i marr nën menaxhim.

Teksa argëtonte dy luftëtarët e rinj, promotori i njohur u ul për të ‘luajtur’ piano. Virtuoziteti i tij ishte i tillë sa Vitali donte ta vlerësonte nga afër Don Kingun. Sapo pa që King po pretendonte se po luante, ndërkohë që tingulli vinte nga diku tjetër, ai i tha Wladimir se nuk do të nënshkruanin me një njeri që donte t’i mashtronte para se të fillonin të punonin me të.

Kjo anekdotë u tregua nga dy ish-kampionët e botës në peshën e rëndë në dokumentarin që publikuan në vitin 2011 , në të cilin Vitali tregoi se si ishte hera e parë që ai la BRSS për të shkuar në Shtetet e Bashkuara.

Pse po e kujtojmë tani? Thjesht sepse Ukraina rrezikon të bëhet sërish ajo që Vitali dhe Parlamenti donin të linin pas. Përveç kësaj, këto janë fjalët e dikujt që sot nuk është vetëm kryetar i bashkisë së Kievit, por që, pas shërbimit ushtarak që e filloi në BRSS (1989-91 dhe u kthye pasi mbaroi universitetin), shkoi si rezervistë me grada kapiten i Forcave Ajrore.

Vitali lindi në Kirgistan, në vitin 1971, sepse babai i tij, një ushtarak i rangut të lartë, ishte caktuar në vende të ndryshme, megjithëse ai ka jetuar pothuajse gjithë jetën në Kiev. Me të mbërritur në kryeqytetin ukrainas, ata u vendosën në një apartament të vogël dhe në të njëjtën dhomë flinin dy vëllezërit, gjyshja, prindërit e ndonjëherë edhe xhaxhai i tyre.

Të pasionuar pas Arnold Schwarzenegger dhe Chuck Norris, Klitschkos filluan të praktikojnë kikboksin në mënyrë klandestine, pasi artet marciale ishin të ndaluara në BRSS deri në vitin 1989. Vitali u bë kampion i Bashkimit Sovjetik dhe sporti i hapi atij një dritare drejt një bote tjetër, siç rrëfen ai në dokumentar. Në korrik 1990 ai udhëtoi për tu ndeshur në Palm Beach (Florida), diçka që e transportoi atë në një univers tjetër.

“Si një udhëtim në hënë”

“Si fëmijë na e kishin shpërlarë trurin. Çdo mëngjes më duhej të shkruaja për të gjitha të këqijat e Amerikës, sepse ajo ishte armiku ynë. Amerika ishte kapitalizëm, ku njerëzit e trajtonin njëri-tjetrin si skllevër. Na e thanë këtë që kur ishim në kopsht të fëmijëve. Kështu, për mua , shkuarja atje ishte si një udhëtim në hënë”, rrëfen boksieri që më vonë mbretëroi në peshat e rëndë për tre dekada.

Coca Cola

Sado qesharake mund të duket tani, është qesharake edhe të dëgjosh se si ish boksieri i madh provoi për herë të aprë pijën e njohur amerikane Coca Cola: “Kishim dëgjuar shumë për Coca Colan dhe kur e provova për herë të parë, ndjeva se mund të pija një kovë të tërë”.

Gjithsesi, ishte e gjitha e re për të dhe ndryshe nga çdo gjë që kishte parë më parë, madje as në televizion. “Unë isha i shtangur. Mund të kalonim gjithë ditën në qendra tregtare, me gojë hapur duke parë gjithçka. Sigurisht, nuk kishim para. Thjesht donim të thithnim të gjitha aromat dhe të preknim të gjitha gjërat”, tregonte ai në atë dokumentar.

Kapitalizmin

Sigurisht, i madhi nga Klitschkot nuk ishte rritur në një shoqëri kapitaliste, ai nuk e kuptonte “si njerëzit kanë kaq shumë palë këpucë”, madje edhe se si kishte kaq shumë lloje djathi:”Si ka mundësi që ka 100 lloje të djathit. Është çmenduri, për mua ishte vetëm djathi, domethënë një lloj”.

Pas kthimit në Ukrainë, ai donte të përballej me të gjithë, fillimisht me babain e tij, Vladimir Rodionovich Klitschko, një ushtarak me karrierë dhe një komunist i bindur.

Reagimi i babait të tij

“Babi, gjithë jetën na kanë folur budallallëqe, është një vend i mrekullueshëm, njerëzit janë shumë miqësorë!”, i kishte thënë ai babait të tij.

Po ai nuk ishte bindur duke iu përgjigj: “Jo, të kanë mësuar vetëm anën e mirë. E përdorin si propagandë. Shtetet e Bashkuara janë një vend i tmerrshëm”, i kishte thënë ai.

Pas shumë vitesh, Vladimir Rodionovich Klitschko, filloi të kalonte pushimet e tij në Florida, duke kërkuar diellin, ku u përpoq të merrej edhe me sëmundjen e tij.

Ish-koloneli i forcave ajrore të Bashkimit Sovjetik vdiq nga kanceri në moshën 64-vjeçare. Ai u dërgua pranë Çernobilit gjatë fatkeqësisë bërthamore të vitit 1986 dhe u përfshi në pastrimin pas shkrirjes së reaktorit.

Rruga Press