Kreu i sindikatës së naftëtarëve: Rafineria e Ballshit mbulonte 50% të nevojave
“Nëse rafineria e Ballshit do të punonte me kapacitet normal, 50% e nevojave të vendit do të mbuloheshin nga kjo rafineri”. Kështu deklaroi për emisionin “Mirëmëngjes” në Euronews Albania, Sokol Dautaj, kryetar i Sindikatës së Naftëtarëve.
Ai u shpreh se nafta që dilte nga rafineria e Ballshit ishte me standarde europiane dhe shumë cilësore.
“Pastaj se çfarë bëhet me naftën derisa ka kalon deri te furnitori, këto janë instancat që i ka në dorë vetë shteti”, u shpreh ai.
Z. Dautaj theksoi se kjo rafineri po shkatërrohet me një vendim të fshehtë.
“Nuk ka një transparencë kush e shiti, kush e bleu. Nafta prodhohej në qytetin tonë. S’kemi pse kishim varësi nga jashtë. Uzina ishte funksionale, punonjësit këtu, lëndë kishte”, tha ai.
Rruga Press