“Rusia shumë shpejt s’do arrijë të paguajë borxhin, falimenti është i pashmangshëm”

Rusia shumë shpejt nuk do të jetë në gjendje që të paguajë borxhin e saj, thotë një prej agjencive kryesore të vlerësimit mbi besueshmërinë e marrjes së borxhit.

‘Fitch Rating’ në parashikimin e saj ka ulur vlerësimin për qeverinë ruse duke paralajmëruar se falimenti është “i pashmangshëm”, raporton BBC.

Vlerësim të njëjtë kanë bërë dhe agjencitë S&P Global dhe Moody’s, që e shohin falimentimin e Rusisë të mundshëm para se Vladimir Putini të pushtojë Ukrainën.

Kjo situatë vjen pas sanksioneve ndërkombëtare ndaj Rusisë për shkak të ndërhyrjes ushtarake në Ukrainë.

Rusia ka një borxh prej 40 miliardë dollarë, ku rreth 20 miliardë janë borxh i jashtë sipas “Financial Times”.

Vlerësimi për borxhin ka si qëllim të ndihmojë investitorët për të kuptuar nivelin e rrezikut që ndeshen kur blejnë borxhin e një vendi apo siç njihen ndryshe bonot.

Renditja e ulët do të thotë se mundësitë për të mos ripaguar janë shumë të mëdha.

Vlerësimi më i fundit për Rusinë vjen pasi Mbretëria e Bashkuar dhe SHBA morën vendimin për të ndaluar importin e naftës nga Rusia.

Rubla ruse ka njohur rënie rekord ndërsa ndërkombëtarët vazhdojnë të rrisin sanskionet.

Muajin e kaluar banka qendrore e Rusisë dyfishoi interesat në përpjekje për të ndaluar zhvlerësimin e monedhës vendase.

Dhjetëra kompani botërore përfshirë McDonald, Coca-Cola dhe Starbucks janë larguar nga Rusia pas pushtimit të Ukrainës.

Rruga Press