Studenti shet karta Pokemon me vlerë 80,000 dollarë për të paguar studimet e mjekësisë
Kur bëhet fjalë për Pokemon, ne tashmë e dimë se si krijesat kurioze të Game Freak janë të afta të krijojnë trende të vërteta mes adhuruesve të zhanrit, të gatshëm të bëjnë gjithçka për të qenë në gjendje të fitojnë kartën më të paarritshme, duke arritur shpesh të shpenzojnë shuma marramendëse. Duke përfituar nga ky aspekt, një student vendosi të shiste koleksionin e tij të çmuar të kartave Pokémon, me vlerë 80 mijë dollarë, në mënyrë që të financonte studimet e tij mjekësore.
Studenti i Universitetit të Gjeorgjisë Veriore me emrin Caleb King shiti koleksionin e tij në eBay. King, i cili bleu kartat në 2016 për vetëm 4,000 dollarë, ka parë që vlera e tyre është rritur 20 herë gjatë viteve të fundit, gjithashtu falë pandemisë. “Njerëzit duan të shpërqendrohen nga gjithçka që po ndodh, – tha ai, – dhe unë mendoj se Pokemonët janë një nga mënyrat se si njerëzit mund ta bëjnë atë”.
I riu më pas vendosi të përdorë fitimet për të financuar studimet e tij për Mjekësi. Ajo që është edhe më mbresëlënëse është se King ka ende disa karta për të shitur. Koleksioni i tij aktual është me çmim mbi 50,000 dollarë, duke përfshirë një botim të rrallë të parë të një karte Pikachu me vlerë 20,000 dollarë.
King me shaka vuri në dukje se edhe pse prindërit e tij e dekurajuan atë nga shpenzimi i mijëra dollarëve për koleksionin e tij, ata më në fund u desh të ndryshonin mendje. “Jam krenare për të, jam krenare për atë që është bërë, për karakterin dhe motivimin e tij”, zbuloi nëna Tammy.
Në fakt, qëllimet e djalit nuk ndalen vetëm në bilancin e tarifave të tij universitare, pasi ëndrra e tij pas diplomimit në mjekësi është të bëhet një kirurg ortoped.
