BE-ja aprovon sanksionet e reja ndaj Rusisë, në listë edhe kriptoasetet
Bashkimi Evropian ka aprovuar një pako të re të sanksioneve kundër Rusisë për pushtimin e Ukrainës, ndërsa në të përfshihen 160 oligarkë, politikanë rusë dhe tri banka bjelloruse.
Lajmi është bërë i ditur nga presidentja e Komisionit Evropian, Ursula von der Leyen.
“Ne po shtrëngojmë edhe më tej rrjetën e sanksioneve duke reaguar ndaj agresionit ushtarak të Rusisë kundër Ukrainës”, ka shkruar Von der Leyen në Twitter.
Në mesin e personave ajo ka thënë se janë 160 individë, përfshirë këtu oligarkë rusë dhe anëtarë të Këshillit të Federatës Ruse.
Po ashtu do të goditet sektori bankar i Bjellorusisë.
Do të ndalohet edhe eksportimi në Rusi i teknologjisë së navigacionit detar. Po ashtu në listën e sanksioneve janë përfshirë edhe kriptoasetet.
Rruga Press