Video/ Presidenti ukrainas del me video mesazh

Presidenti ukrainas Volodymyr Zelenskyy ka lëshuar një video-mesazh.

Ai filloi duke shënuar ditën ndërkombëtare të gruas, duke thënë se kjo është zakonisht dita për të festuar gratë ukrainase, por ai “thjesht nuk mund ta bëjë këtë kur kemi kaq shumë pikëllim dhe vuajtje”.

Ai vazhdoi duke thënë se “pushtuesit e kanë bombarduar përsëri Sumyn” me “çdo bombë” dhe po e “shndërrojnë në ferr”.

Në Mariupol, ai tha se Rusia e ka rrethuar atë dhe ka “ndërprerë qëllimisht furnizimin me ujë dhe ushqim”, si dhe energjinë elektrike.

“Është hera e parë, rasti i parë kur një fëmijë vdes për shkak të dehidrimit”, shtoi ai, duke iu referuar një incidenti më herët ditën e sotme nga brenda qytetit port të rrethuar.

Ai shtoi se raketat e lundrimit, helikopterët dhe avionët po sulmojnë Ukrainën, por tha se Rusia ka humbur “shumë” prej tyre.

Zelenskyy shprehu zhgënjimin e tij me Perëndimin, duke thënë se Ukrainës i është premtuar mbështetje ajrore për 13 ditë dhe ende nuk i është dhënë.

Ai tha se përgjegjësia për sulmin i takon Rusisë, por gjithashtu u takon atyre që nuk mund të marrin një vendim për 13 ditë tani, diku në Perëndim, ata që nuk ofruan sigurinë e hapësirës sonë ajrore.

Ukraina u ka kërkuar në mënyrë të përsëritur vendeve të NATO-s që të zbatojnë një zonë ndalim-fluturimi mbi vend – një kërkesë e cila është refuzuar vazhdimisht.

Ai shtoi se korridoret humanitare, të cilat janë vendosur sot, nuk po funksionojnë pasi trupat ruse kanë vazhduar të qëllojnë dhe njerëzit në Mariupol.

Ata që janë përgjegjës për këto veprime do të ndiqen penalisht”, paralajmëroi ai.

Zelenskyy përfundoi duke thënë se “të gjithë kanë të drejtë të jetojnë” dhe Ukraina po lufton për këtë.

© Rruga Press