Epopeja e UÇK-së, Jashari thërret për unitet: Dhimbjen e hodhëm sepse liria i mund të gjitha

Rifat Jashari, vëllai i komandantit legjendar të UÇK-së, Adem Jashari, ka thënë se ndjehet krenar kur sheh Forcën e Sigurisë së Kosovës. Në shënimin e Epopesë së UÇK-së Jashari ka falënderuar shtetet që ndihmuan Kosovën gjatë luftës.

“Është kënaqësi kur i shoh ushtrinë e Republikës së Kosovës të rreshtuar. Duke falënderuar Zotin, SHBA-në, NATO-n dhe të gjitha shtetet mike, ne sot e arritëm 14 vjetorin e pavarësisë së Kosovës dhe kjo do të qëndrojë për vite”.

Jashari ka bërë thirrje për unitet.

“Gjithmonë do të jemi bashkë dhe krenarë, dhimbjen do ta hedhim sepse liria i mund të gjitha, vetëm duhet të kemi gjuhë të përbashkët, të bashkëpunojmë që t’i arrijmë qëllimet shekullore”, ka thënë Jashari.

Në natën e 4 e 5 marsit të vitit 1998, Prekazi u rrethua nga forca të shumta ushtarake dhe policore serbe. Më 5 mars fillon sulmi ndaj tyre e që zgjatë deri më 7 mars nga ku vetëm një e mbijetuar del nga ajo masakër.

55 njerëz mbetën të vrarë në Prekaz ato ditë, 22 prej të cilëve nga familja e ngushtë e komandantit Adem Jashari, ndërsa mes datave 5-6 mbijeton djali i Rifat Jasharit, Bashkimi, e sulmit deri në fund arrin t’i shpëtojë vetëm Besarta, vajza e Hamëz Jasharit.

Rruga Press