Mundësi reale që Putini të përfundojë në burg për krime lufte, thotë zv.kryeministri britanik

Vladimir Putin është “në rrezik” të përfundojë në burg për krime lufte të kryera nga forcat e tij ruse në Ukrainë, ka thënë të premten sekretari britanik i drejtësisë.

Dominic Raab, i cili është gjithashtu zëvendëskryeministër, u pyet nga Times Radio nëse ai e shihte përfundimin e konfliktit, me presidentin rus “të burgosur për krime lufte”.

“Mendoj se është një rrezik shumë real që ai duhet ta mendojë tani. Përtej situatës së tij personale, çdo komandant që vepron në Ukrainë, apo në të vërtetë në Moskë, kur ata përballen me urdhra të paligjshëm, qoftë për të shënjestruar civilët apo ndryshe, për të sulmuar vende të paligjshme, ata tani e dinë që ICC (gjykata penale ndërkombëtare) po heton dhe kryeprokurori Karim Khan, besoj, po udhëton për në Ukrainë”, ka thënë ai.

Ai shtoi se rusët duhet ta dinë tani se përballen me rrezikun e vërtetë për të përfunduar në bankën e të akuzuarve të një gjykate dhe në një burg, nëse zbatojnë ato urdhra të paligjshëm.

Rruga Press