Rusisë i sanksionohen edhe macet

Një federatë e regjistrave të maceve është bashkuar me qeveritë perëndimore në vendosjen e sanksioneve ndaj Rusisë pas sulmit të saj ndaj Ukrainës.

Federata Ndërkombëtare Feline në një deklaratë tha se “nuk mund të dëshmojë vetëm këto mizori dhe të mos bëjë asgjë”. Rrjedhimisht ajo ka vendosur masa për të parandaluar regjistrimin e maceve ruse në regjistrat e saj ose hyrjen në ekspozitat e saj jashtë Rusisë.

Në njoftimin për shtyp thuhej “asnjë mace e edukuar në Rusi nuk mund të importohet dhe regjistrohet në çdo libër të origjinës FIFe jashtë Rusisë, pavarësisht se cila organizatë e ka lëshuar origjinën e saj. Dhe së dyti asnjë mace që i përket ekspozuesve që jetojnë në Rusi nuk mund të futet në çdo shfaqje FIFe jashtë Rusisë, pavarësisht se në cilën organizatë janë anëtarët e tyre ekspozues”.

FIFe e quan vetën “Federata e Kombeve të Bashkuara të Maceve” dhe përbëhet nga 42 anëtarë nga 40 vende, duke përfshirë Zvicrën, Mbretërinë e Bashkuar dhe Gjermaninë.

Kufizimet janë vendosur deri më 31 maj 2022 dhe do të rishikohen sipas situatës në atë kohë, thuhet në deklaratë.

Organizata jofitimprurëse është shprehur e tronditur nga pushtimi rus i Ukrainës. “Shumë njerëz të pafajshëm kanë vdekur, shumë të tjerë janë plagosur dhe qindra mijëra ukrainas janë detyruar të ikin nga shtëpitë e tyre për të shpëtuar jetën e tij. Të gjithë mund të dëshmojmë shkatërrimin dhe kaosin e shkaktuar nga ky akt i paprecedentë agresioni”, tha ai.

Rruga Press