Imuniteti i fituar prej variantit Omicron mbron edhe kundër subvariantit BA.2

Të dhënat sugjerojnë se njerëzit që kanë pasur variantin BA.1 omicron janë të mbrojtur kundër BA.2, të paktën në afat të shkurtër

Një studim paraprak i shkallës së infeksionit me koronavirus sugjeron që njerëzit që janë infektuar së fundmi nga varianti BA.1 omicron janë 95 për qind të mbrojtur kundër infeksionit me variantin BA.2 omikron me përhapje të shpejtë.

Vala e omicron, e cila filloi në nëntor, është drejtuar kryesisht nga varianti BA.1, por tani një variant tjetër i omicron, BA.2, duket se po rritet dhe po dominon. BA.2 ka të njëjtat mutacione si BA.1 por gjithashtu ka 28 që janë të ndryshëm. Rritja e shpejtë e numrit të infeksioneve BA.2 sugjeron se ky variant është edhe më i transmetueshëm se varianti BA.1 omicron.

Një problem kryesor me variantet omicron është aftësia e tyre për t’i shpëtuar imunitetit, por të dhënat nga rreth 20,000 njerëz në Katar sugjerojnë se njerëzit që janë infektuar së fundi me BA.1 janë 95 për qind të mbrojtur nga kapja e BA.2 35 deri në 50 ditë pas infektimit .

Ekipi që bëri këtë hulumtim gjithashtu analizoi të dhënat nga rreth 100,000 njerëz që ishin infektuar me BA.2 dhe zbuloi se ky variant ofron afërsisht 85 për qind mbrojtje kundër infeksionit BA.1 35 deri në 40 ditë më vonë.

© Rruga Press