Dekorohet post-mortem ushtari që hodhi veten në erë për ta ndaluar avancimin e tankeve ruse

Presidenti i Ukrainës, Volodymyr Zelensky, ka nënshkruar një dekret me të cilin ia ka dhënë titullin “Hero i Ukrainës”, ushtarit Vitaliy Skakun, i cili hodhi veten në erë në një urë pak ditë më parë, duke ndaluar kalimin e tankeve ruse.

Skakun ishte hedhur në erë për ta shembur urën dhe pamundësuar avancimin e forcave ruse. 

Skakun është dekoruar post-mortem për guximin e tij dhe heroizmin që ka treguar për të mbrojtur sovranitetin dhe integritetin territorial të Ukrainës, është njoftuar nga Zyra e Presidentit të Ukrainës.

Rruga Press