Covid-19 në Shqipëri, 1 humbje jete dhe 191 raste të reja

February 24, 2022 user 1

Një person ka humbur jetën si pasojë e Covid-19 në 24 orët e fundit, njoftoi Ministria e Shëndetësisë, ndërsa janë evidentuar 191 raste të reja nga 1743 testime.

Rastet e reja janë evidentuar në këto bashki:

72 qytetarë në Tiranë, 14 në Fier, 11 në Sarandë, 10 në Durrës, 9 në Vlorë, nga 7 qytetarë në Elbasan, Gjirokastër, nga 5 qytetarë në Berat, Pogradec, 4 në Përmet, nga 3 qytetarë në Gramsh, Mirditë, Lezhë, Shkodër, nga 2 qytetarë në Pukë, Lushnje, Divjakë, Selenicë, Himarë, Delvinë, Memaliaj, Devoll, Kuçovë, Librazhd, nga 1 qytetar në Peqin, Skrapar, Tepelenë, Konispol, Mallakastër, Patos, Dibër, Vorë, Kamëz, Krujë, Tropojë, Has, Kukës, Fushë Arrëz, Vau i Dejës.

Lexo më shumë Maqedonci e Jashari në Forumin Ndërkombëtar të Sigurisë në Kanada

Në të gjithë vendin janë 3396 pacientë aktivë, ndërsa për herë të parë pas shumë muajsh, Tirana numëron më pak se 1 mijë raste aktive.

Aktualisht në spitalet COVID po marrin trajtim 68 pacientë, nga të cilët 11 janë në gjendje më të rënduar. Në 24 orët e fundit me gjithë përpjekjet e stafit mjekësor ka një humbje jete me SARS-COV2 pozitiv: një qytetare nga Tirana 70 vjeçe.

Janë shëruar 378 qytetarë gjatë 24 orëve të fundit, duke e çuar numrin e të shëruarve në 264,287 që nga fillimi i epidemisë.

Lexo më shumë Kurti: Kemi nisur procedurat për ankandin e parë të erës me kapacitet prej 100 MW