Imazhet e reja satelitore zbulojnë rritjen e aktivitetit rus

Rusia duket se po vendos më shumë trupa dhe pajisje në Rusinë perëndimore dhe Bjellorusi, sipas imazheve satelitore nga Maxar.

Gjatë 24 orëve të fundit, disa dislokime të reja trupash dhe pajisjesh janë vërejtur në zonat rurale në jugperëndim të Belgorodit, më pak se 20 kilometra nga kufiri ukrainas.

Një spital i ri fushor është shtuar gjithashtu në periferinë perëndimore të qytetit rus.

Ndërkohë, duket se një zonë e madhe po pastrohet për vendosje shtesë pranë Pochep – me tenda për trupa të reja dhe dhjetëra automjete ushtarake tashmë të vendosura.

Pajisjet e përdorura për transportin e tankeve, artilerisë dhe pajisjeve të rënda janë parë në periferinë perëndimore të Klintsy, afërsisht 40 kilometra nga kufiri ukrainas.

Në Bjellorusi, një dislokim i ri i më shumë se 100 automjeteve dhe dhjetëra tendave dhe strehimoreve të trupave kanë mbërritur në një aeroport të vogël pranë Mozyr në Bjellorusinë jugore.

Rruga Press